આ રાશિના જાતકોને આ ઉંમરમાં કરવા જોઈએ લગ્નન, જાણો રાશિ મુજબ ભવિષ્ય

લગ્ન એ ધીરજ અને વિશ્વાસ માંગી લે છે. ભારતમાં છોકરો કે છોકરી 21-22 વર્ષના થાય એટલે તેમના મા-બાપને બાળકોને પરણાવવાની ચિંતા થવા માંડે છે. પરંતુ દરેક વ્યક્તિના નસીબમાં પરણવાનો એક યોગ્ય સમય અને યોગ્ય દિવસ લખાયેલો હોય છે.

તમારી રાશિ પરથી અંદાજો બાંધી શકાય કે તમારી પરણવા માટેની સાચી ઊંમર શું છે. આ વાંચીને તમને પણ અંદાજો આવી જશે કે તમારે જીવનના કયા મુકામ પર જીવનસાથી પસંદ કરીને લગ્નના બંધનમાં બંધાઈ જવું જોઈએ.

મેષ.

મેષ રાશિના જાતકોમાં ધીરજનો સદંતર અભાવ હોય છે. આથી ઘણા મેષ રાશિના જાતકો લાઈફમાં વહેલા લગ્ન કરી લેવાની ઉતાવળ કરતા હોય છે. પરંતુ જ્યોતિષ શાસ્ત્રની દૃષ્ટિએ મેષ રાશિના જાતકોએ તેઓ 25-26 વર્ષના થાય ત્યારે જ લગ્ન કરવા જોઈએ, તેનાથી વહેલા નહિં. જો આમ કરશો તો કદાચ એ તમારા જીવનની મોટી ભૂલ સાબિત થશે.

વૃષભ.

મેષથી સાવ ઊંધુ વૃષભ રાશિના જાતકો ધીરજવાન હોય છે. આ રાશિના જાતકોને લગભગ 30 વર્ષની ઉંમર પછી સાચો હમસફર મળવાની શક્યતા છે. આથી વૃષભ રાશિના લોકોએ 30 વર્ષ પછી જ લગ્નનો વિચાર કરવો જોઈએ.

મિથુન.

મિથુન રાશિના લોકો કમિટમેન્ટ આપતા ગભરાય છે. તેઓ ઘણા કન્ફ્યુઝ્ડ હોય છે અને તેઓ પાટલી બદલતા રહે છે. આથી તેમણે પણ લગ્ન કરવાનો નિર્ણય ઉતાવળે ન લેવો જોઈએ. 30 વર્ષ બાદ જ્યારે કોઈ યોગ્ય જીવનસાથી મળે ત્યારે જ તેમણે પ્રભુતામાં પગલા પાડવા જોઈએ.

કર્ક.

કર્ક રાશિના જાતકો 20 વર્ષની વયે જ કોઈના પ્રત્યે આકર્ષાઈ જાય છે. જો બધું ઠીકઠાક ચાલે તો તેઓ નાની વયે પરણી પણ જાય છે. પરંતુ જો કર્ક રાશિના જાતકોને ખરેખર સારો લાઈફ પાર્ટનર જોઈતો હોય તો તેમણે 30 વર્ષ પછી જ લગ્ન કરવા જોઈએ.

સિંહ.

સિંહ રાશિના લોકો લોન્ગ ટર્મ રિલેશનશીપમાં વધુ રસ હોય છે. તેઓ પોતાની લાઈફમાં ઘણઆ વ્યસ્ત હોય છે અને તેમને લાઈફમાં બધુ જ સારુ પરંતુ મોડે મોડેથી મળે છે. ઘણા કિસ્સામાં 40 વર્ષની વય પછી આ રાશિના જાતકોને સાચા જીવનસાથી સાથે મુલાકાત થાય છે.

કન્યા.

કન્યા રાશિના જાતકોને સારી પેઠે ખબર હોય છે કે તેમને જીવન પાસેથી શું અપેક્ષા છે. આ વાત રિલેશનશીપમાં પણ લાગુ પડે છે. તેઓ ઠરેલ હોય છે અને રિલેશનશીપને સારી રીતે સાચવી શકે છે. આથી જ કન્યા રાશિના જાતકોએ 25-26 વર્ષની વયે લગ્ન કરી લેવા જોઈએ.

તુલા.

આ રાશિના જાતકો ધીરજવાન હોય છે. તેઓ સાદાઈમાં માને છે અને રિલેશનશીપ એન્જોય કરે છે. આ રાશિના જાતકો 21-30 વર્ષ સુધી લગ્ન કરે તો તેઓ રિલેશનશીપ અને મેરેજ બંનેને સારી રીતે એન્જોય કરી શકે છે.

વૃશ્ચિક.

વૃશ્ચિક રાશિના જાતકો સ્વભાવે ખૂબ જ પઝેસિવ હોય છે. આથી જ આ રાશિના લોકો નાની ઉંમરે લગ્ન કરી લે તો તેમને ઘણી મુસીબતોનો સામનો કરવો પડે છે અને તેમનું લગ્નજીવન સુખરૂપે નથી ચાલી શકતું. તેમને લગ્ન સંબંધને સમજવા માટે સમય જોઈએ છે. આથી જ વૃશ્ચિક રાશિ હોય તેમણે 30 વર્ષ પછી જ લગ્ન કરવા જોઈએ.

ધન.

ધન રાશિના જાતકોને સ્પેસ જોઈએ છે અને તેઓ પોતાના જીવનને સમજવામાં જ ખૂંપેલા રહે છે. આથી જ નાની ઉંમરે લગ્નનું બંધન આ રાશિના જાતકોને ગમતું નથી. આથી આ રાશિના જાતકોએ 40 વર્ષ પહેલા લગ્ન ન કરવા જોઈએ.

મકર.

મકર રાશના જાતકો 20થી માંડીને 50 વર્ષ સુધી, જીવનના ગમે તે પડાવ પર લગ્ન કરે, તેઓ સફળ જ જાય છે. તેમને જીવનના જે તબક્કે એવું લાગે કે તેઓ સેટલ થવા માંગે છે, તેમણે લગ્ન કરી લેવા જોઈએ.

કુંભ.

કુંભ રાશિના જાતકોને નવી નવી ચીજો કરવી અને નવી નવી તકો ઝડપવી ગમે છે. મોટાભાગે તેમને લગ્ન કરીને સેટલ થવામાં ખાસ રસ હોતો નથી. આમ છતાંય તેમણે લાઈફમાં 30થી 40 વર્ષની વચ્ચે લગ્ન કરી લેવા જોઈએ.

મીન.

મીન રાશિના જાતકો માટે 26 વર્ષની ઉંમર એ પરણવા માટેની બેસ્ટ એજ છે. તેઓ આ ઉંમરે પરણી જાય તો તેમનું જીવન ખુશીઓથી ભરાઈ જાય છે.પરિવારમાં કોઈ સુખ સમાચાર મળી શકે છે. પરિવારમાં ઉત્સવનો માહોલ રહેશે. આ ગાળામાં આર્થિક સંકડામણ ઊભી થાય તો મિત્રો તમારી મદદ કરવા પડખે ઊભા રહેશે.