જ્યોતિષશાસ્ત્રમાં સૂર્યને ગ્રહોમાં સૌથી વરિષ્ઠ દરજ્જો આપવામાં આવ્યો છે. જાતકની કુંડળીમાં આ ગ્રહ પિતા, મોટા ભાઈ કે સલાહકારનું પ્રતિનિધિત્વ કરે છે. જ્યોતિષશાસ્ત્ર અનુસાર જે જાતકની કુંડળીમાં સૂર્ય મજબૂત હોય તેને સામાજિક સન્માન સાથે સાથે સરકારી નોકરીમાં લાભ પ્રાપ્ત થાય છે. જો સૂર્યની સ્થિતિ સારી ન હોય તો જાતક સામાજિક અને પારિવારિક છબિને નુકસાન પહોંચાડે છે, પિતા સાથે તેના સંબંધો સારા નથી હોતા અને તેનામાં આત્મવિશ્વાસનો પણ અભાવ હોય છે. આ ગોચરની અસર વૃશ્ચિક ઉપરાંત બીજી રાશિઓના લોકો પર પણ થશે. જાણો તમારી રાશિ પર તેની કેવી અસર પડશે.
મેષ રાશિ.
મેષ રાશિના જાતકોને આ ગોચરને કારણે સ્વાસ્થ્ય સંબંધી સમસ્યાઓ ઊભી થઈ શકે છે. આ સાથે તમારા હાથે એવા પણ કામ થઈ શકે છે જેને કારણે તમારી સામાજિક છબિ પર નકારાત્મક અસર પડી શકે છે. તમારા બાળકો અને જીવનસાથી માટે આ સમય ઘણો સારો છે.
વૃષભ રાશિ.
વૃષભ રાશિના જાતકો આ મહિને કારકિર્દીમાં નવી ઊંચાઈ હાંસલ કરશે. કામના સ્થળે તમને ઝળહળતી સફળતા મળશે પરંતુ પર્સનલ લાઈફમાં તણાવ રહેશે. જો તમે પરિણિત હશો તો વિવાહિત જીવનમાં ઉથલ પુથલ રહેશે. કામમાં અડચણ આવી શકે છે. ધીરજ જાળવી રાખવી.
મિથુન રાશિ.
મિથુન રાશિના જાતકો આ ગાળામાં તમે જે પ્રયત્નો કરશો તે બધા જ સફળ રહેશે. તમારા વિરોધી પણ તમારી સામે ટકી નહિ શકે. તમારા આત્મ સન્માનમાં વૃદ્ધિ થશે જેનો લાભ તમને ચોક્કસ મળશે.
કર્ક રાશિ.
જે જાતકોની રાશિ કર્ક છે તેમના પ્રેમ સંબંધોમાં તણાવની સ્થિતિ ઊભી થઈ શકે છે. બાળકો સાથે પણ સમસ્યા થઈ શકે છે. કારકિર્દી માટે આ ગોચર સકારાત્મક છે. જો તમે દેવામાં દબાયેલા હશો તો અમુક હદ સુધી છૂટકારો મળી શકે છે.
સિંહ રાશિ.
તમારી રાશિને આ મહિનામાં ઘણા સરકારી ફાયદો થશે. સાથે જ ઘર, ગાડી જેવી સુખ સુવિધાઓમાં વધારો થઈ શકે છે. તમારી સામાજિક છબિ આ ગાળામાં મજબૂત બનશે. તમે નવુ ઘર કે ગાડી ખરીદી શકો છો.
કન્યા રાશિ.
કન્યા રાશિના જાતકોનો આત્મવિશ્વાસ ઘટી શકે છે પરંતુ તમે તમારા સંકલ્પ પૂરા કરવા અડીખમ રહેશો. તમારા ભાઈ-બહેન સાથે નાની મોટી દલીલ કે ઝઘડો થઈ શકે છે. આર્થિક લાભ થશે અને ધાર્મિક કામમાં પણ રૂચિ વધશે.
તુલા રાશિ.
તુલા રાશિના જાતકોને પરિવારના સભ્યો સાથે તણાવ થઈ શકે છે. અમુક એવા લોકો જીવનમાં આવી શકે છે જેના ઈરાદા કે વિચાર સારા નહિ હોય. તમારે આવા લોકોથી ચેતતા રહેવું. આવકમાં વૃદ્ધિ કરવા માટે થોડી મુશ્કેલીઓનો સામનો કરવો પડશે.
વૃશ્ચિક રાશિ.
વૃશ્ચિક રાશિના જાતકો માટે આ ગોચર પહેલા ભાવમાં થઈ રહ્યું છે. આ આખો મહિનો તમારુ ફોકસ તમારા કામ પર રહેશે. તમારા સ્વભાવમાં ગુસ્સો અને ઘમંડ આવી શકે છે. લગ્નજીવનમાં સંઘર્ષ ઊભો થઈ શકે છે. કારકિર્દીમાં ઉતાર-ચડાવ શક્ય છે.
ધન રાશિ.
ધન રાશિને આ ગાળામાં પેટના દુઃખાવા અને અનિદ્રાની સમસ્યા થઈ શકે છે. તમારા ખર્ચમાં વધારો થઈ શકે છે. આ મહિનામાં તમારો સ્ટ્રેસ વધશે, પોતાની જાત પર નિયંત્રણ રાખવાની પૂરેપૂરી કોશિશ કરજો.
મકર રાશિ.
મકર રાશિના જાતકો માટે આ ગોચર ખૂબ જ લાભદાયક પુરવાર થવાનું છે. ઉચ્ચ અધિકારીઓ સાથે તમારુ ઊઠવા-બેસવાનું થશે. વરિષ્ઠ અધિકારીઓ તરફથી પણ તમને લાભ મળશે. કોઈ શુભ સમાચાર પણ મળી શકે છે. પરિવારમાં પિતા તરફથી સહયોગ મળશે.
કુંભ રાશિ.
કુંભ રાશિના દસમા ભાવમાં આ ગોચર થશે. કારકિર્દીમાં તમારી આગેકૂચ થશે. સ્વભાવમાં ઘમંડ આવશે તો તમારી પ્રગતિમાં રોક લાગી જશે. તમારા કામમાં એટલા વ્યસ્ત રહેશો કે ઘરના લોકો તમારાથી પરેશાન થઈ ઝશે. લગ્નજીવનમાં તણાવ વધી શકે છે.
મીન રાશિ.
આ ગોચર તમારા જીવનમાં સંઘર્ષ વધારશે. તમારે વધારે મહેનત કરવી પડશે. પિતાનું સ્વાસ્થ્ય કથળી શકે છે. કારકિર્દીમાં થોડુ પરિવર્તન આવી શકે છે. ધાર્મિક કામમાં તમારી રુચિ વધશે. માનસિક પડકારોનો સામનો કરવો પડી શકે છે.
