ગળાના કાકડા એક સામાન્ય પ્રકારની સમસ્યા છે, જે મોટાભાગે ઋતુ બદલવા પર થાય છે. પરંતુ તેના થવા પાછળ બીજા ઘણા કારણો પણ હોય છે. કાકડામાં ગળાની બંને બાજુ સોજો આવી જાય છે અને મોઢામાં પણ દુખાવો થાય છે. આ સમસ્યાને કારણે ઘણીવાર વ્યક્તિને તાવ પણ આવી જાય છે.
જે લોકોને ઈમ્યુનિટી કમજોર હોય છે તે લોકો પણ તેનો શિકાર બને છે. સાથે સાથે ખૂબ જ ગરમ તથા સ્પાઈસી ફૂડ ખાવાથી, ખૂબ જ ઠંડુ ખાવાથી અને મોઢાની યોગ્ય રીતે સફાઈ ન કરવાથી પણ ગળામાં કાકડા થવાનો ખતરો રહે છે. જો કે કાકડા થવા પાછળનું મુખ્ય કારણ દુષિત ખાનપાન જ હોય છે. જેના લીધે આપણા શરીરમાં એવા બેક્ટેરિયા પહોંચી જાય છે, જે કાકડા ની સમસ્યા ઉત્પન્ન કરે છે.
જે લોકો વધુ પડતું ગળ્યું ખાય છે, રોજિંદા ખોરાકમાં વારંવાર ગોળનો ઉપયોગ કરે છે, દિવસ દરમિયાન એકદમ ઠંડું પાણી કે ઠંડા પીણા પીધા કરે છે, શેરડીનો રસ, દૂધ કોલ્ડ્રીંક કે મિલ્ક શેક પણ વારંવાર લીધા કરે છે તેમને ગળાના કાકડા થવાની શક્યતા રહે છે. વધુ પડતો બરફ, બરફના ગોળા, કુલ્ફી કે આઈસ્ક્રીમ પણ ગળામાં કાકડા જેવી તકલીફ માટે કારણભૂત બની શકે છે.
કાકડામાં શેરડીનું જ્યુસ ખૂબ જ અસરકારક છે. જ્યુસમાં ૧ ચમચી હરડે પાવડર ઉમેરીને લેવાથી તે વધારે ફાયદાકારક સાબિત થાય છે. આ જ્યુસને ઓછામાં ઓછું દિવસમાં ૨ વખત પીવું જોઈએ. તેના સેવન બાદ ૧ કલાક સુધી કંઈપણ ખાવું પીવું નહીં.
ગળાના કાકડા ની સમસ્યા વધવા પર હળવું નવશેકુ પાણી પીવું જોઈએ. સારા પરિણામ માટે સવારે ખાલી પેટે એક ગ્લાસ હળવા ગરમ પાણીમાં અડધુ લીંબુ અને એક ચમચી મધ મિક્ષ કરીને પીવું જોઈએ. તેનાથી ગળાના કાકડા ખૂબ જ જલ્દી ઠીક થઈ જાય છે.
ગાજરમાં બેક્ટેરિયા નષ્ટ કરવાની ક્ષમતા હોય છે. તેના સેવનથી શરીરમાં વિટામીન A ની ઉણપ પણ પૂરી કરી શકાય છે. ગળાના કાકડાને ઠીક કરવા માટે રોજ ગાજરનું એક ગ્લાસ જ્યૂસ પીવું જોઈએ. તેના સારા પરિણામ માટે સવારે અને સાંજે ગાજરનું જ્યુસ પીવાથી પણ ઘણો ફાયદો થાય છે.
સાધારણ ગરમ પાણીમાં મીઠું ઓગાળીને દિવસમાં બે ત્રણ વાર કોગળા કરવાથી ગળાના કાકડાની પીડા મટે છે. હળદરને ઘી માં મેળવી કાકડા ઉપર લગાડવાથી વધેલા ગળાના કાકડા બેસી જાય છે. પાણીમાં મધ નાખી કોગળા કરવાથી વધેલા કાકડા બેસી જાય છે. ગરમ દૂધ ધીમે ધીમે પીવાથી વધેલા કાકડા બેસી જાય છે.
સંચળનો ઉપયોગ કરીને પણ ગળાના કાકડાથી છુટકારો મેળવી શકાય છે. ગરમ પાણીમાં સંચળ નાખીને કોગળા કરો. તેનાથી ગળાનો દુખાવો જલ્દી દૂર થાય છે. ગરમ પાણીમાં થોડો લીંબૂનો રસ અને મધ નાખીને પીવો. તેનાથી ગળાના કાકડા ને લીધે થતો ગળાનો દુ:ખાવો જલ્દી ઠીક થશે. એક કપ ગરમ પાણીમાં અડધી ચમચી વાટેલી હળદર મિક્સ કરો. તેનાથી કાકડામાં જલ્દી આરામ મળશે.
કેળાની છાલ ગળા ઉપર બાંધવાથી ગળાના કાકડા મટે છે. કાકડા ની સમસ્યા વધવા પર હળવું નવશેકુ પાણી પીવું જોઈએ. કાકડી શરીરમાંથી ઝેરી તત્વોને બહાર કાઢવામાં અને લોહીને સ્વચ્છ રાખવામાં પણ મદદ કરે છે. દરરોજ બે કાકડી ખાવાથી પણ ગળાના કાકડાની સમસ્યામાંથી છુટકારો મેળવી શકાય છે.
