ભગવાન એ આપણી પાસે કિંમતી નગીનાને આ રીતે આપણાથી છીનવી લેશે, તેના વિશે કોઈએ સ્વપ્નમાં પણ વિચાર્યું નહોતું પણ હોનીને કોણ ટાળી શકે છે. આજે શ્રીદેવી આપણી વચ્ચે નથી, પરંતુ તેમની યાદો હંમેશા આપણા દિલમાં જીવંત રહેશે, તેમના દ્વારા કરવામાં આવેલ અભિનય લોકોના હૃદયમાં હમેંશા રહેશે.દક્ષિણ ભારતના ફિલ્મ ઉદ્યોગને બોલિવૂડ કરતા પણ વધુ તેમના મૃત્યુનો આંચકો લાગ્યો છે, કારણ કે શ્રીદેવીએ કારકિર્દીની શરૂઆત દક્ષિણ ભારતીય ફિલ્મ ઉદ્યોગથી કરી હતી. તેમણે દક્ષિણ ભારતીયમાં ભગવાન કહેવાતા સુપરસ્ટાર રજનીકાંત સાથે પ્રથમ ફિલ્મ કરી હતી.

રજનીકાંત અને શ્રીદેવીનો સંબંધ ખૂબ ખાસ હતો, તેઓ એકબીજાને ખૂબ માનતા હતા. જ્યારે રજનીકાંતને શ્રીદેવીના મોતના સમાચાર મળ્યા ત્યારે તે પોતાનું બધુ કામ છોડીને મુંબઇ ચાલ્યા ગયા.રજનીકાંત અને શ્રીદેવી વિશે ઘણાં કિસ્સાઓ મશહુર છે, આજે અમે તમને તે એક કિસ્સામાંથી એક કિસ્સો કહેવા જઈ રહ્યા છીએ, જેના વિશે થોડા લોકોને ખબર હશે કે એક સમય એવો હતો જ્યારે શ્રીદેવીએ રજનીકાંત માટે સતત 6 દિવસ ઉપવાસ કર્યા હતા.

શ્રીદેવીએ રજનીકાંત માટે ઉપવાસ કેમ કર્યા.આ વાતની જાણકારી ખુદ હિન્દુસ્તાન ટાઇમ્સમાં રજનીકાંત એ જણાવી હતી.જે જ્યારે તેઓ 2011 માં પોતાની ફિલ્મ રાણાના શૂટિંગમાં વ્યસ્ત હતા ત્યારે તેમની હાલત ઘણી બગડી હતી. સમસ્યા એટલી આગળ વધી કે તેને ભારતથી સારવાર માટે સિંગાપોર રિફર કરાયા કારણ કે તે સમયે રજની ખૂબ બીમાર થઈ ગયા હતા.જ્યારે રજનીકાંતની હાલતના સમાચાર શ્રીદેવીને મળ્યા ત્યારે તેણે તરત જ શિરડી જવાનું નક્કી કર્યું અને તેણે તેમના જીવન માટે સતત 6 દિવસ ઉપવાસ કર્યા. સારવાર બાદ રજનીકાંત સ્વસ્થ થઈને ભારત આવ્યા હતા, ત્યારે શ્રીદેવી તેમને મળવા માટે પહેલા તેમના પતિ સાથે પહોંચી હતી, આ માહિતી તેમને પોતે બોની કપૂરે આપી હતી.

પહેલી ફિલ્મમાં સાથે કામ કર્યું હતું.માત્ર 13 વર્ષની ઉંમરે શ્રીદેવીએ 1976 માં કમલ હાસન અને રજનીકાંત સાથે ફિલ્મ મૂન્ડ્રુ મુડીચુમાં કામ કરીને પોતાનું નસીબ અજમાવ્યું હતું. આ ફિલ્મ સાથે પણ એક કિસ્સો જોડાયેલુ હોવાનું કહેવામાં આવે છે, શ્રીદેવીને તેના કરતાં આ ફિલ્મ માટે વધુ પૈસા આપવામાં આવ્યા હતા.

શ્રીદેવી અને રજનીકાંતની ફિલ્મો.શ્રીદેવી અને રજનીકાંતે લગભગ 25 જેટલી ફિલ્મોમાં સાથે કામ કર્યું હતું.આ ફિલ્મોમાં મોટાભાગની ફિલ્મો સાઉથ ઇન્ડિયન સિનેમાની છે.કન્નડ, મલયાલમ, તમિલ સાથે તેલુગુ ભાષાની છે, તેની સાથે રજની સર અને શ્રી દેવીએ બોલિવૂડમાં, ફરિશ્તે, ચલબાઝ, ભગવાન દાદા.ઝુલમ, ઝાંજીર જેવી સુપરહિટ ફિલ્મોમાં કામ કર્યું છે.

Write A Comment